" غلا الدنيا "...لشاعر .:علي الخوار
يا أمي يا غلا الدنيا وأصدق عاطفه بالكون
وأدفا حضن يحضني..وأكبر قلب يحويني
أنا بك دنيتي جنه وبسماتك مطر ومزون
وضحكاتك ربيع أخضر زهور فتحت فيني
.
.
إذا شفتك أرى الدنيا صباح بالفرح مسكون
واذا غبتي عن عيوني يغيب النور عن عيني
.
.
عشقتك والهوى طفل ربا في خافقي المفتون
كبر هذا الطفل واصبح غرامه يسبق سنيني
.
.
أنا ياأمي .. أنا ياامي مااوفيك مهما يكون
جميلك دين في عمري ..وربي بك موصيني
.
.
ومهما عشت لك وافي.. بظل الوافي المديون
لأنك روحي في قلبي .. ودمي في شراييني
@@@@al Kaabi@@@@
" أرجوك تنساني " لشاعر..:علي الخوار
.
.
أرجوك تنساني وأنا أوعدك بنساك == وانسى بأني في حياتك حبيبه
مادام غيري عايش الحب وياك == ما أريد أكون بوسط قلبك غريبه
كنت أفتكر فرحي على كف يمناك == واحلم أعيش العمر منك قريبه
لكن فرقنا القدر يوم لقياك == الله أكبر ياظروف العجيبه
ضحيت في حبك واضحي لفرقاك == والله يصبر قلب ضحى لحبيبه
لا تعيش بي ذكرى ولا أعيش ذكراك == كل ن بياخذ في حياته نصيبه
قالت : وعقلي ضاع فكره والأدراك == يسأل ولا يلقى جواب يثيبه
ليش الهوى مزروع دربه بالأشواك == ليش النهايه ف المحبه كئيبه
